Untungnya,,,!!! BAHARI NETO Ulun Urang Susah

ARUH SASTRA KABUPATEN TANAH LAUT

CERITA PENDEK BAHASA BANJAR

JUDUL Untungnya,,,!!! BAHARI NETO Ulun Urang Susah

Nang Maulah Laila Alfisah, A.Md

Nang Maartiakan Bahasa Banjarnya Amank Imul

Copyrigh@www.hobbyimul.com 2016

Bahari neto, rahat masih sakulah SD kami baluman baisian rumah,,makanya rancak baalih-alih wadah guring, bilanya bayaran siwaan rumah naik maka kami tapaksa baalih mancari rumah siwaan hanyar nang tamurah. Sampat jua kami badiam di gang nang ada di Pelambuan sana, ngaran gangnya neto sabujurnya bagus banar. Tahulah pian..? ngarannyatuh iya”Gang MADU” dingarani kaya neto ujar bubuhan situ jua panglah, karna disitu tu banyak buhan lakian nang manyimpan bini anumnya, tapi nang sabujurnya disitu neto adalah wadah parigatnya nang ada di kalurahan Pelambuan”bahari pang neto lah wahini dibagusi urang dah pinanya”. Ada jua ngaran lainnya dari gang Madu nento biasanya di sambat jua “Pulau Kadap“ di sambat kadap karna bahari masih kadeda listrik. Jua kaya inilah nang kami alami bilanya malam, kadeda lampu listrik, makanya pakai lampu palitaan haja. Alhasil bilanya bangun baisukan pastidah hirang – hirang di luang hidung kami. Rumah siwaan nang kami diami baharitu halus banar ukurannya 3×4 M haja, wan kadeda WC nya .imbah neto, mun handak,,,!!!”maaflah handak bahera(BAB) di mananya…? Jadi ujar abah ulun kita pakai “WC Tarabang”…nah am…pasti buhan pian panasaran banar nh..!!! nangkaya apa yulah barangnya…? Na jadi nang dimaksud WC Tarabang neto ternyata ujar abah ulun, amunnya kami handak BAB caranya tu kaya ini nah,..!! sabalum kaluar dari sarangnya, ditanai wan kantongan palastik, imbahtu di tawakakan kabalakang rumah, ha ha ha…!!! hati-hatipanglah kalu takana urang bajukung, karna di situ ada sasungaian nang kabulujuran banyak rarumputan,”nang banyak enceng gondoknya tuh…!!!” makanya tarabang plastiknya.” Aja maaflah kalu pian tasinggung, mun kada kaya ini kada rami kesah ulun.” Singkat kesah buhannya ai…,Hari baganti hari, bulan baganti bulan, tahun berganti tahun. Abah ulun alhamdulillah ditarima urang bagawi di Parusahaan Plywood, wan kawa tunggal dikitan mangumpulakan duit. Jadi kada lawas imbah itu, mama bapadah lawan abah bahwa sidin handak baalih dari Gang Madu wan ujar mama bilanya mancari rumah siwaan ( Bedakan ) neto, amun kawa nang ada WC nya atawa Jambannya. Jadi jer abahku” iih ayuja kena kita mancari nang tabagus”. Singkat kesah pulanglah, takabul jua akhirnya doa kami, kada lawas kami sakaluargaan baalihan ka rumah siwaan nang ada jambannya, cuman ada tapinya ni buhannya ai, jamban nang ada ini, pulang sakalinya jamban umum, sudah kaya neto andaknya pas banar di higa rumah kami, wan jua gasan manuju jamban neto jambatannya,..yaaa…!!! palataran rumah kami jua saklinya. Pas banar pulang ni lah, ulun ni baisian kebiasaan nang kada baik,”apa nah…? Karna rumah kami halus, jadinya ulun katuju bamamakan di muhara lawang. Imbah tu pulang,dapurnya halus jua. Makanya wadah nang barasa ulun paling nyaman tu… yaaa duduk di muhara lawing tadi pang. Jadi ada pas kebalujuran ulun nih, lagi nyanyamanannya makan, imbahtu ada nang bapadah umpat lalu” parmisi dinglah umpat singgah satumat” ujar sidin nih. Jadi jer ulun” aja paman ai, tapi jangan lawaslah”, sakalinya disahuti sidin ulun” tasarahku ai, barang ampun aku jua” jadi ujar ulun pulang” aja paman ai tasarah pianja” sambil ulun manyuap nasi tadih. Jadi pas lagi manyuap nasi, kada lawas kadangaran bunyi “ plung, plung, plung” mun kada salah tiga kali plung pang lah,..ha ha ha, plus aromanyatu nah…!!! Inilah maksud ulun, untung BAHARI NETO jadi urang susah makanya jadi palajaran gasan ulun supaya tahan wan nang bangat pada kajadian nag ulun kesahkan tadi, karna wayah itu tu, kadeda kasampatan gasan ulun jadi urang nang jer urang kada sudi an tu nah. Ulun tatap haja manarusakan manyuap nasi,,toh, anggap ja kami lagi baimbaian menikmati karunia Allah, artinya ulun mendapatkan nikmat Allah “makanan” wan urang neto tadi mandapat jua nikmat Allah “kawa mangeluarkan sampah makanan” na..tuh ..bujur kalulah baimbaian nikmatnya. Selain itu jua manjadi urang nang susah, kawa malajari kami menghargai amunnya ada biar sabigi nasi nang kami baisi, mustilah harus kita basyukur, sampai wayah ini kami kada jua menyia-nyiakan makanan, bilanya kami makanan musti dihabisakan makanan nang ada di piring, bahkan kaluarga kami maanggap makanan adalah suatu nang sangat bernilai gasan kami. Sampat jua ading ulun Si Ifit Ngarannya, inya garing panas wan sakit kapala, imbah tu, kada lawas langsung baik, imbah dimakani wan sebigi Apel habang, kenapa kaya itu nh..? nyata ja pang, gasan buhan kami buah apel neto, buah nang harat banar dah, nang kada pacangan kawa kami ulihi atawa di tukarakan kuitan kami, kacuali kami garing banar, tahuja kalu lah , bilanya sudah garing nyar ditukarakan nang harat-harat, samaja kira-kira wan nang lain. Jadi kahimumgan karana dibari’i apel neto alahan pada makan obat, langsung ampih garing ading ulun. Kahimungan banar ading ulun nih, sampai-sampai buah apel habang tadi tuh, kada langsung dimakannya tapi di bawanya kesana kemari , diaraykannya ke sana sini. Tapi sama ja pang wan ulun, bilanya ulun garing maka kada usah ngalih nukar obat cukup aja tukarakan sapiring gaduh– gaduh atawa sapiring nasi sop atawa sapiring soto atawa samangkuk bakso maka pastija kada lawas baik sorangan, han ulun to buhannya ai,..!!! karana sama jua, makanan nang ulun sambati tadi tuh ditawarinya wan ditukarakan bila ulun garing haja, mun kada,!!!sakit tu pang liur. Jadi maksud ulun mangesahakan ini. bukan berarti kuitan ulun pelit, medit, pitih atawa nang lainnya, tapi dasar kadeda duitnya gasan manukar bahimat jenis makanan neto, tapi bilanya anak sidin garing, lalu sidin bahimat kayapa caranya mancariakan duitnya, dalas bahutangkah, asal kawa manukarakan. Na jadi kasimpulannya, dengan Keadaan kita nang diuji wan kakurangan atawa kasusahan atawa jadi urang nang susah, itu malajari kami labih bijaksana dalam maatur pangaluaran gasan biaya rumah tangga, baik baulanja atawa nang lainnya, jadi kada sambarang mahamburakan duit gasan baramian haja, apalagi nang kada tapi panting wan kada bamanfaat. Bukan berarti buhan ulun nih pelit atawa apalah, amunnya batatukar tu dihitung bujur-bujur, saparlunya haja, supaya kada mubadzir, amiiin..