Untungnya,,,!!! BAHARI NETO Ulun Kada Bungas

ARUH SASTRA KABUPATEN TANAH LAUT

CERITA PENDEK BAHASA BANJAR

JUDUL Untungnya,,,!!! BAHARI NETO Ulun Kada Bungas

Nang Maulah Laila Alfisah, A.Md

Nang Maartiakan Bahasa Banjarnya Amank Imul

Copyrigh@www.hobbyimul.com 2016

Bilanya ada nang batakun atawa ada nang kada sapandapat wan judul kesah ulun ini

“ wahini ikam babungaskah???”

jadi supaya kada bahualan, ulun ganti ja judulnya

” Untungnya,,,BAHARI NETO PAI WAHINI Ulun Kada Bungas”.

Ulun ingati dulu nah gasan buhan pian: nang di bawah umur bagusnyatu kada usah umpat mambaca kacuali dikawani kuitan, supaya nyaman manjalasakan nang sabujurnya kaya apa…?, Bahari tu pas ulun masih sakulah SD, ulun ada baisi kawan sambat aja gin ngarannya misalnya Si Aluh. Kalakuan inya nih, ujar urang tu macalnya kada katulungan, di sekolahan rancak banar kada masuk, bapadah wan kuitan tulak sakulah, sakalinya tulak bajalanan wadah kawanan wara. Imbah tu pulang amunnya kada masuk ke kelas, pastija inya ni nyuruh ulun minta tulisakan di bukunya sorang, sabarataan pelajaran nang dilajarakan disakulahan tadi. Tapi kada babungulan ulun pang, inya manyuruh kaya itu ulun pintai duit, ya,…imbahanu dibari inya Rp. 1000 bisa jua labih, ujar urang wahini tagantung kwantitas( barapa banyak nang ulun tulisakan gasan inya). Bahari tu duit saitu gasan ulun banyak banar dah,..!!!, karana ulun ingat bahari haraga sabunggkus MI…kada usah ulun sambat gin lah kena jadi saponsor pulang, kacuali ampun parusahaan hakun bayar wan ulun, he he he,…jadi haraganya sabungkusnya tu Rp.250,- haja, bearti amun Rp. 1.000,- kawa nukar Mi 4 bungkus, wayah ini kira-kira Rp.10.000,- lah. Sabujurannya ada pang kawanan ulun nang baikan banar wan ulun nih, ngaran buhannya tu si Ahmadi, Zainal , Hakim, Amirullah wan siapakah tu lagi, ulun kada ingat jua nah, jadi buhannya nih mamadahi wan ulun

” ikam tu lay ai,..!!!( ulun dikiyau buhannya Alay bahari tu) jangan tapi akrab banar pang wan Si Aluh tuh”

jer ulun

” kenapa garang”

Sabujurnya ulun paham aja pang, buhannya nih takutan kalu ulun umpat jua kalakuan nang kaya Si Aluh tadih. Jadi jer buhanya baucap

” Lay,..!!!jangan bekawan pang wan si Aluh, kaina ikam bisa umpat umpatan jadi lahung “

umai ulun takajut mandangar

” napa tu lahung,..”

ulunkan masih kanakan SD, kada tahu pang istilah nang kaya itu. lalu jer ulun pulang

“ buhan nyawa ni pina musti menangati unda bekawan si Aluh, amun inya lahung, buhan nyawa tu pang pemabuk, kada umpat umpatan jadi pemabuk jua unda”.

Sabujurnya imbah kada lawas ulun tahu jua ternyata gawian sampingan si Aluh ini sakalinya bujur jadi ANU tadih,,pasti buhan pian takajut jua kalu lah, sama wan ulun, kenapa anak kelas 6 SD sudah jadi ANU, tapi bujuran nah, kakawanan ulun tu bahari awaknya ganal-ganal, bungas pulang, ulunja nang pas-pasan kah jer urang, makanya imbah lulus SD buhannya tu kawinan sudah, nang balum ulun ja lagi. Kalu ulun imbah lulus SD Alhamdulillah kawa manyambung SMP, hanyar SMK, itu gin babagi wan tangis, kenapa nah,..? kada usah dikisahkan gin lah,..singkat kesah lulus SMK ulun langsung bagawi di perusahaan Plywood, itu gin gasan mangumpulakan duit gasan bayar kuliah, sampai ulun jadi sarjana kaya urang jua

” AMd Ulun Tahulah, kada sombong kalu lah”. 

Jadi imbah itu sampat berapa tahunkah ulun bagawi, di gawian, ulun tatamu lalakian nang pina lerek-lerek wan ulun, eh… tapi sabalum itu sabujurnya banyak jua sudah nang malerek ulun nih, tapi wan sidin neto model ada rasa nang kaya apa tu nah, model nyes, nyes, nyes dok cerrrrr,…jadi imbah itu sakalinya jadi laki ulun jua ai wahini, untung ja laki ulun tu baikan banar urangnya, gagah wan bungas jua pulang, tapi sayang kada panduitan, tapi kada papa ulun cinta banar wan sidin tu, urusan razaki, tu kawaja dicari, iya kalulah,…? 

Sekedar pian tahu ja lah, di wadah ulun tu, buhan kanakan biniannya jarang nang menarusakan sakulahnya ke SMP apalagi sampai lulus kuliah, jadi ulun tu tamasuk nang malain pada urang di wadah ulun. Nah kita babulik pulang lah kesah Si Aluh,.. Jadi wadah ulun badiam tu ngarannya Pelambuan, parak banar wan Pelabuhan Trisakti sedang Si Aluh ini biasanya mangkalnya tu di saputaran pelabuhan tu pang, caranya inya bajualan nento tu , inya naik klotok mandatangi buhan hidung balang kah jer, nang ada di kapal-kapal basandar di sekitar Pelabuhan Trisakti. Kesahnya Si Aluh nih jadinya bagawi nang kaya itu, karana kaadaan jua panglah,..ujarnya bakisah wan ulun tu, gasan manulungi kuitannya mencari ungkus gasan hidup jua jer. Dirumahnya sudah kadeda lagi abahnya, ujarnya sudah bapisahan wan mamanya, jadi ada mamanya wan 4 ikung ading nang masih halus-halus nang harus inya tulungi maungkusi san sakulah wan lainnya jua. Ditambahi pulang nang mama nih katuju banar, imbah kawin kada lawas basarakan, maka kulihan hujungannya tarus, manggalambung parut, kanapakah jua kada paham ulun. Jadi itulah kira-kira nang maulah Si Aluh nih mauk jua, sampai-sampai tagawi nang kada karuan, kada wani jua pang ulun manyalahakan inya. Nang parahnya lagi sabaratan di wadah inya tu tahuan bahwa sakaluargaan buhan inya tu gawiannya itu tadi pang, jadi biasa ja sudah bagi inya. Astagfirullah, ulun kada manyambati panglah, apalagi mahinakan inya, karana ulun sadar ja jua kada kawa manulungi apa-apa,

” ulun nih apa da, iwak karing iwak pada ulun nih apa da,”

kada mangulibi atawa manyariki karana ulun sadar ja jua kada kawa mambari solusi wan sabujurnya ulun kada paduli.

" Jangan makan iwak batulang,

  Supaya rakungan kada tasakiti.

  Biarkan haja kalakuan urang, 

  Asalkan ulun kada maumpati."

” he he…pantun tu buhannya ai lah…!!". 

Imbahanu ulun rasa kasian jua pang, inya kada masuk sakulahtu, ujar inya bapadah wan ulun

” barasa sakit banar jer ampun inya tuh”

sabujurnya waktu itu ulun kada paham jua napa nang dimaksud sakit ampun inyatuh, tapi ulun iih kan ja, supaya inya marasa di parhatiakan jua toh. Sampat kaputingannya batakun jua ulun

” diapai urang garang ikam, jadi kasakitan nang kaya itu…?”

lalu jernya mangisahi wan ulun

” yaa banyak,,,,di ini di itu,,di bolak balik , di patah sana patah sini,,harus mau,,harus pasrah…iya kalau oomnya baik , bungas lagi..ulun hakun ja, bahanu nyaman jua pang, tapi karancakannya oomnya jahat,,sangar,,ganas, kasar,,hirang ,,sudah nang kaya itu awaknya bau pulang, sampai rancak siup ulun, tapi harus ditahani supaya dibayari”.

Jadi jer ulun

” oooo kaya itu kah kasiannya ikam”.

Jadi pas ada Si Aluh nih saminggu kada sing turunan, imbah turun inya sakulah, bapakaian banar am inya, bagalang amas, bakalung sing ganalan, sampai kabatis-batis pulang. Malihat nang kaya itu, ulun nih handak jua baisi nang kaya itu. jangankan bagalang sampai kabatis, baisi kalung di gulu ja ulun kadeda. Karena handak banar tupang, imbah itu ulun bapadah wan inya bagamatan

” Luh..!! kaya apa amun aku bagawi nang kaya ikam tu jua, supaya aku banyak baduit kawa manukar barang nang kaya ikam tuh, tulungi aku pang nah,..”

Tapi tahulah pian jawaban Si aluh, dasar kada manyangka ulun inya tu baucap kaya ini nah

” ikam tu kada kawa kaya aku nih,”

" kenapa" jer ulun.

pasti pian tahu dah jawabannya kenapa,..?

” ikam tu kawan ai kada bungas, sudah hirang, awak halus, wan jua susu ikam tu kadada isinya”

he he..ngalih banar mangisahakan nah, kena dipadahkan pornografi ulun,..!! Artinya ulun kada lulus tes jadi selebrity karena kada bungas tadih, habis kesah sudah. Jadi istilah nang pas gasan ulun bahari tu

” KUTILANG DARA, Kurus Iya Tingi kada, Dada Rata",

nh am kaya itu pang ulun bahari. Jadi itu pang intinya sudah, kanapa ulun basyukur bahari ulun kada bungas, amun bungas bisa ai saku jadi selebrity jua, alhamdulillah!!!. 

Untungya ulun bahari kada bungas, kurang gizi wan awak hirang, jadi awak ulun kada bohay kah jer urang tuh. Tapi buhannya ai, lain bahari lain wahini, biar tatap kada bungas tapi ujar laki ulun

” aku ni ayang ai tahanja mun jauh wan ikam tapi aku kada tahan mun parak wan ikam nih”

"kenapa" jer ulun, 

"he he,.. tahuja tuh pian mun tahu". 

Aja sudah gin, tarimakasih sudah mambacai kesah ulun, maaf jua amun ada salah.